Ⲛⲉⲕⲛⲁⲓ ⲱ̀ ⲡⲁ⳪

First Doxology

COPTICUnicode Coptic · served by the Alhan API

ENGLISHTranslation

Ⲛⲉⲕⲛⲁⲓ ⲱ̀ ⲡⲁϬⲟⲓⲥ ϯⲛⲁϩⲱⲥ ⲙ̀ⲙⲱⲟ̀ⲩ ϣⲁ ⲉ̀ⲛⲉϩ ⲛ̀ⲧⲉ ⲡⲓⲉ̀ⲛⲉϩ ⲟⲩⲟϩ ⲓⲥϫⲉⲛ ϫⲱⲟ̀ⲩ ϣⲁ ϫⲱⲟ̀ⲩ ϯⲛⲁϫⲱ ⲛ̀ⲧⲉⲕⲙⲉⲑⲙⲏⲓ ϧⲉⲛ ⲣⲱⲓ.

Your mercies O my Lord I will praise, forever and ever, and from generation to generation, I will declare Your truth out of my mouth.

+ Ⲛⲁⲁ̀ⲛⲟⲙⲓⲁ ⲁⲩϭⲓⲥⲓ ⲉ̀ⲧⲁⲁ̀ⲫⲉ ⲟⲩⲟϩ ⲁⲩϩ̀ⲣⲟϣ ⲉ̀ϩ̀ⲣⲏⲓ ⲉ̀ϫⲱⲓ Ⲫ̀ϯ ⲥⲱⲧⲉⲙ ⲉ̀ⲡⲁϥⲓⲁϩⲟⲙ ϩⲓⲟ̀ⲩⲓ̀ ⲙ̀ⲙⲱⲟ̀ⲩ ⲉ̀ⲃⲟⲗϩⲁⲣⲟⲓ.

+ My iniquities have covered my head, and have overburdened me, O God hear my sighs, and cast them away from me.

Ⲁ̀ⲣⲓⲧⲧ ⲙ̀ⲫ̀ⲣⲏϯ ⲙ̀ⲡⲓⲧⲉⲗⲱⲛⲏⲥ ⲫⲏⲉ̀ⲧⲁϥⲉ̀ⲣⲛⲟⲃⲓ ⲉ̀ⲣⲟⲕ ⲁⲕϣⲉⲛϩⲏⲧ ⲉ̀ϩ̀ⲣⲏⲓ ⲉ̀ϫⲱϥ ⲁⲕⲭⲁ ⲛⲉϥⲛⲟⲃⲓ ⲛⲁϥ ⲉ̀ⲃⲟⲗ.

Make me like the publican, who has sinned against You, You had compassion upon him, and forgave him his sins.

+ Ⲁ̀ⲣⲓⲧⲧ ⲙ̀ⲫ̀ⲣⲏϯ ⲛ̀ϯⲡⲟⲣⲛⲏ ⲑⲏⲉ̀ⲧⲁⲕⲥⲱϯ ⲙ̀ⲙⲟⲥ ⲉ̀ⲃⲟⲗ ⲁⲕⲧⲟⲩⲛⲟⲥ ⲁⲕⲛⲟϩⲉⲙ ⲙ̀ⲙⲟⲥ ϫⲉ ⲁⲥⲣⲁⲛⲁⲕ ⲙ̀ⲡⲉⲕⲙ̀ⲑⲟ.

+ Make me like the adulteress, whom You have redeemed, You have saved and rescued her, for she pleased You.

Ⲁ̀ⲣⲓⲧⲧ ⲙ̀ⲫ̀ⲣⲏϯ ⲙ̀ⲡⲓⲥⲟⲛⲓ ⲫⲏⲉ̀ⲧⲁⲩⲁ̀ϣϥ ⲛ̀ⲥⲁ ⲧⲉⲕⲟ̀ⲩⲓ̀ⲛⲁⲙ ⲁϥⲉ̀ⲣⲟ̀ⲙⲟⲗⲟⲅⲓⲛ ⲙ̀ⲙⲟⲕ ⲙ̀ⲡⲁⲓⲣⲏϯ ⲉϥϫⲱ ⲙ̀ⲙⲟⲥ.

Make me like the thief, who was crucified upon Your right-hand, he confessed to You, and likewise said.

+ Ϫⲉ ⲁ̀ⲣⲓⲡⲁⲙⲉⲩⲓ̀ ⲱ̀ ⲡⲁϬⲟⲓⲥ ⲁ̀ⲣⲓⲡⲁⲙⲉⲩⲓ̀ ⲱ̀ ⲡⲁⲚⲟⲩϯ ⲁ̀ⲣⲓⲡⲁⲙⲉⲩⲓ̀ ⲱ̀ ⲡⲁⲞ̀ⲩⲣⲟ ⲁⲕϣⲁⲛⲓ̀ ϧⲉⲛ ⲧⲉⲕⲙⲉⲧⲟ̀ⲩⲣⲟ.

+ "Remember me O my Lord, remember me O my God, remember me O my King, when You come into Your kingdom."

Ⲛ̀ⲑⲟⲕ ⲇⲉ ⲱ̀ ⲡⲁⲤⲱⲧⲏⲣ ⲁⲕϣⲱⲡ ⲉ̀ⲣⲟⲕ ⲛ̀ⲧⲉϥⲟ̀ⲙⲟⲗⲟⲅⲓⲁ ⲁⲕϣⲉⲛϩⲏⲧ ⲉ̀ϩ̀ⲣⲏⲓ ⲉ̀ϫⲱϥ ⲁϥⲟ̀ⲩⲟ̀ⲣⲡϥ ⲉ̀ⲡⲓⲡⲁⲣⲁⲇⲓⲥⲟⲥ.

For You O my Savior, have accepted his confession, You were compassionate to him, and sent him to paradise.

+ Ⲁ̀ⲛⲟⲕ ϩⲱ ϧⲁ ⲡⲓⲣⲉϥⲉ̀ⲣⲛⲟⲃⲓ Ⲓ̅ⲏ̅ⲥ̅ ⲡⲁⲚⲟⲩϯ ⲡⲁⲞ̀ⲩⲣⲟ ⲙ̀ⲙⲏⲓ ϣⲁⲛⲁϩ̀ⲑⲏⲕ ⲉ̀ϩ̀ⲣⲏⲓ ⲉ̀ϫⲱⲓ ⲁ̀ⲣⲓⲧⲧ ⲙ̀ⲫ̀ⲣⲏϯ ⲛ̀ⲟ̀ⲩⲁⲓ ⲛ̀ⲛⲁⲓ.

+ Likewise I the sinner, Jesus my true King and God, have compassion upon me, and make me as one of them.

Ϯⲥⲱⲟ̀ⲩⲛ ϫⲉ Ⲛ̀ⲑⲟⲕ ⲟ̀ⲩⲁ̀ⲅⲁⲑⲟⲥ ⲛ̀ⲣⲉϥϣⲉⲛϩⲏⲧ ⲟⲩⲟϩ ⲛ̀ⲛⲁⲏ̀ⲧ ⲁ̀ⲣⲓⲡⲁⲙⲉⲩⲓ̀ ϧⲉⲛ ⲡⲉⲕⲛⲁⲓ ϣⲁ ⲉ̀ⲛⲉϩ ⲛ̀ⲧⲉ ⲡⲓⲉ̀ⲛⲉϩ.

For I know that You are good, compassionate and patient, remember me in Your mercy, forever and ever.

+ Ϯⲧⲱⲃϩ ⲙ̀ⲙⲟⲕ ⲱ̀ ⲡⲁϬⲟⲓⲥ Ⲓ̅ⲏ̅ⲥ̅ ⲙ̀ⲡⲉⲣⲥⲟϩⲓ ⲙ̀ⲙⲟⲓ ϧⲉⲛ ⲡⲉⲕϫⲱⲛⲧ ⲟ̀ⲩⲇⲉ ⲟⲛ ϧⲉⲛ ⲡⲉⲕⲙ̀ⲃⲟⲛ ⲙ̀ⲡⲉⲣϯⲥ̀ⲃⲱ ⲛ̀ⲧⲁⲙⲉⲧⲁⲧⲉ̀ⲙⲓ.

+ I ask You O my Lord Jesus, do not destroy me in Your anger, and likewise also in Your wrath, do not chasten me for my ignorance.

Ϫⲉ ⲭ̀ⲟ̀ⲩⲱ̀ϣ ⲙ̀ⲫ̀ⲙⲟⲩ ⲁⲛ ⲙ̀ⲡⲓⲣⲉϥⲉ̀ⲣⲛⲟⲃⲓ ⲙ̀ⲫ̀ⲣⲏϯ ⲛ̀ⲧⲉϥⲕⲟⲧϥ ⲟⲩⲟϩ ⲛ̀ⲧⲉϥⲱ̀ⲛϧ ϣⲁⲛⲁϩ̀ⲑⲏⲕ ϧⲁ ⲧⲁⲙⲉⲧϫⲱⲃ ⲙ̀ⲡⲉⲣⲥⲟⲙⲥ ⲉ̀ⲣⲟⲓ ϧⲉⲛ ⲟ̀ⲩⲙ̀ⲃⲟⲛ.

For You do not desire the death of a sinner, rather he returns and lives, have pity upon my weakness, and do not look at me in anger.

+ Ⲁⲓⲉ̀ⲣⲛⲟⲃⲓ Ⲓ̅ⲏ̅ⲥ̅ ⲡⲁϬⲟⲓⲥ ⲁⲓⲉ̀ⲣⲛⲟⲃⲓ Ⲓ̅ⲏ̅ⲥ̅ ⲡⲁⲚⲟⲩϯ ⲡⲁⲞ̀ⲩⲣⲟ ⲙ̀ⲡⲉⲣⲱⲡ ⲉ̀ⲣⲟⲓ ⲛ̀ⲛⲓⲛⲟⲃⲓ ⲉ̀ⲧⲁⲓⲁ̀ⲓⲧⲟⲩ.

+ I have sinned O Jesus my Lord, I have sinned O Jesus my God, O King do not count the sins, which I have committed.

Ϯϯϩⲟ ⲉ̀ⲣⲟⲕ ⲱ̀ ⲡⲁⲤⲱⲧⲏⲣ ⲙⲁⲣⲉ ⲛⲉⲕⲙⲉⲑⲛⲁⲏ̀ⲧ ⲧⲁϩⲟⲓ ⲛ̀ⲧⲟⲩⲛⲟϩⲉⲙ ⲙ̀ⲙⲟⲓ ϧⲉⲛ ⲛⲓⲁ̀ⲛⲁⲅⲕⲏ ⲉⲧϯ ⲟ̀ⲩⲃⲉ ⲉ̀ⲧⲁⲯ̀ⲩⲭⲏ.

I ask You O my Savior, let Your mercies come to me, and save me from the troubles, that come to my soul.

+ Ⲙ̀ⲡⲉⲣϩⲓ ⲭ̀ⲣⲱⲙ ⲉ̀ⲧⲁⲙⲉⲧⲁⲧⲥⲱⲟ̀ⲩⲛ ⲙ̀ⲫ̀ⲣⲏϯ ϩⲱϥ ⲛ̀Ⲥⲟⲇⲟⲙⲁ ⲟ̀ⲩⲇⲉ ⲟⲛ ⲙ̀ⲡⲉⲣⲧⲁⲕⲟⲓ ⲙ̀ⲫ̀ⲣⲏϯ ϩⲱϥ ⲛ̀Ⲅⲟⲙⲟⲣⲣⲁ.

+ Do not send me to the fire, for my ignorance like Sodom, and likewise do not destroy me, like Gomorrah.

Ⲁⲗⲗⲁ ⲡⲁϬⲟⲓⲥ ⲁ̀ⲣⲓⲟ̀ⲩⲓ̀ ⲛⲉⲙⲏⲓ ⲙ̀ⲫ̀ⲣⲏϯ ⲛ̀ⲛⲓⲣⲉⲙⲚⲓⲛⲉⲩⲏ̀ ⲛⲁⲓ ⲉ̀ⲧⲁⲩⲉ̀ⲣⲙⲉⲧⲁⲛⲟⲓⲛ ⲁⲕⲭⲁ ⲛⲟⲩⲛⲟⲃⲓ ⲛⲱⲟ̀ⲩ ⲉ̀ⲃⲟⲗ.

But O my Lord deal with me, like the people of Nineveh, those who have repented, and You forgave them their sins.

+ Ⲁⲗⲗⲁ ⲙⲁⲣⲉ ⲛⲉⲕⲙⲉⲑⲛⲁⲏ̀ⲧ ⲧⲁϩⲟⲓ ⲡⲁϬⲟⲓⲥ ϧⲉⲛ ⲟ̀ⲩⲓⲏⲥ ⲛ̀ⲧⲁⲱ̀ϣ ⲉ̀ⲃⲟⲗ ⲛⲉⲙ ⲡⲁⲓⲗⲁⲟ̀ⲥ ϧⲉⲛ ⲟ̀ⲩⲥ̀ⲙⲏ ⲛ̀ⲁ̀ⲧⲭⲁⲣⲱⲥ.

+ But may Your mercies, come unto me quickly, that I may proclaim with those people, with an unceasing voice.

Ⲉⲑⲃⲉ ⲫⲁⲓ ϯⲧⲱⲃϩ ⲙ̀ⲙⲟⲕ Ⲡ̀⳪ Ⲫ̀ϯ ⲡⲁⲤⲱⲧⲏⲣ ⲙ̀ⲡⲉⲣⲓ̀ⲣⲓ ⲛ̀ⲟ̀ⲩϩⲁⲡ ⲛⲉⲙⲏⲓ ⲁ̀ⲛⲟⲕ ϧⲁ ⲡⲓϫⲱⲃ ⲛ̀ⲣⲉϥⲉ̀ⲣⲛⲟⲃⲓ.

Wherefore I entreat You, O Lord God my Savior, do not judge me, I the weak and sinful.

+ Ⲁⲗⲗⲁ ⲃⲱⲗ ⲉ̀ⲃⲟⲗ ⲭⲱ ⲛⲏⲓ ⲉ̀ⲃⲟⲗ ⲛ̀ⲛⲁⲡⲁⲣⲁⲡⲧⲱⲙⲁ ⲉⲧⲟ̀ϣ ϩⲱⲥ Ⲁ̀ⲅⲁⲑⲟⲥ ⲟⲩⲟϩ ⲙ̀Ⲙⲁⲓⲣⲱⲙⲓ ⲛⲁⲓ ⲛⲁⲛ ⲕⲁⲧⲁ ⲡⲉⲕⲛⲓϣϯ ⲛ̀ⲛⲁⲓ.

+ But rather absolve and remit, my many iniquities, as a good One and Lover of man, have mercy upon us according to Your great mercy.