MATINS
Ⲧⲉⲛⲟ̀ⲩⲱ̀ϣⲧ
Verses of the cymbals
COPTICUnicode Coptic · served by the Alhan API
ENGLISHTranslation
Ⲧⲉⲛⲟ̀ⲩⲱ̀ϣⲧ ⲙ̀Ⲫ̀ⲓⲱⲧ ⲛⲉⲙ ⲡ̀Ϣⲏⲣⲓ ⲛⲉⲙ ⲡⲓⲠ̀ⲉⲛⲩⲙⲁ ⲉ̅ⲑ̅ⲩ̅ ⲭⲉⲣⲉ ϯⲉ̀ⲕⲕⲗⲏⲥⲓⲁ ⲡ̀ⲏⲓ ⲛ̀ⲧⲉ ⲛⲓⲁ̀ⲅⲅⲉⲗⲟⲥ
We worship the Father and the Son, and the Holy Spirit, hail to the Church, the house of the angels.
+ Ⲭⲉⲣⲉ ϯⲠⲁⲣⲑⲉⲛⲟⲥ ⲉ̀ⲧⲁⲥⲙⲉⲥ ⲡⲉⲛⲤⲱⲧⲏⲣ ⲭⲉⲣⲉ Ⲅⲁⲃⲣⲓⲏⲗ ⲉ̀ⲧⲁϥϩⲓϣⲉⲛⲛⲟⲩϥⲓ ⲛⲁⲥ.
+ Hail to the Virgin, who gave birth to our Savior, hail to Gabriel, who announced to her the good news.
Ⲭⲉⲣⲉ Ⲙⲓⲭⲁⲏⲗ ⲡⲓⲁ̀ⲣⲭⲏⲁ̀ⲅⲅⲉⲗⲟⲥ ⲭⲉⲣⲉ ⲡⲓϫⲟⲩⲧ ϥ̀ⲧⲟⲟⲩ ⲙ̀ⲡ̀ⲣⲉⲥⲃⲩⲧⲉⲣⲟⲥ.
Hail to Michael, the archangel, hail to the twenty four, presbyters.
+ Ⲭⲉⲣⲉ ⲛⲓⲬⲉⲣⲟⲩⲃⲓⲙ ⲭⲉⲣⲉ ⲛⲓⲤⲉⲣⲁⲫⲓⲙ ⲭⲉⲣⲉ ⲛⲓⲧⲁⲅⲙⲁ ⲧⲏⲣⲟⲩ ⲛ̀ⲉ̀ⲡⲟⲩⲣⲁⲛⲓⲟⲛ.
+ Hail to the Cherubim, hail to the Seraphim, hail to all the hosts, of the heavens.
Ⲭⲉⲣⲉ Ⲓⲱⲁⲛⲛⲏⲥ ⲡⲓⲛⲓϣϯ ⲙ̀ⲡⲣⲟⲇⲣⲟⲙⲟⲥ ⲭⲉⲣⲉ ⲡⲓⲙⲏⲧ ⲥ̀ⲛⲁⲩ ⲛ̀ⲁ̀ⲡⲟⲥⲧⲟⲗⲟⲥ.
Hail to John, the great forerunner, hail to the, twelve apostles.
+ Ⲭⲉⲣⲉ ⲡⲉⲛⲓⲱⲧ Ⲙⲁⲣⲕⲟⲥ ⲡⲓⲉ̀ⲩⲁ̀ⲅⲅⲉⲗⲓⲥⲧⲏⲥ ⲡⲓⲣⲉϥϫⲱⲣ ⲉ̀ⲃⲟⲗ ⲛ̀ⲧⲉ ⲛⲓⲓ̀ⲇⲱⲗⲟⲛ.
+ Hail to our father Mark, the Evangelist, the destroyer, of the idols.
Ⲭⲉⲣⲉ Ⲥ̀ⲧⲉⲫⲁⲛⲟⲥ ⲡⲓϣⲟⲣⲡ ⲙ̀ⲙⲁⲣⲧⲩⲣⲟⲥ ⲭⲉⲣⲉ Ⲅⲉⲱ̀ⲣⲅⲓⲟⲥ ⲡⲓⲥⲓⲟⲩ ⲛ̀ⲧⲉ ϩⲁⲛⲁ̀ⲧⲟ̀ⲟⲩⲓ̀.
Hail to Stephen, the first martyr, hail to George, the morning star.
+ Ⲭⲉⲣⲉ ⲡ̀ⲭⲟⲣⲟⲥ ⲧⲏⲣϥ ⲛ̀ⲧⲉ ⲛⲓⲙⲁⲣⲧⲩⲣⲟⲥ ⲭⲉⲣⲉ Ⲁⲃⲃⲁ Ⲁⲛⲧⲱⲛⲓ ⲛⲉⲙ ⲡⲓϣⲟⲙⲧ Ⲙⲁⲕⲁⲣⲓⲟⲥ.
+ Hail to the whole choir, of the martyrs, hail to Abba Antony, and the three Macarii.
Ⲭⲉⲣⲉ ⲡ̀ⲭⲟⲣⲟⲥ ⲧⲏⲣϥ ⲛ̀ⲧⲉ ⲛⲓⲥ̀ⲧⲁⲩⲣⲟⲫⲟⲣⲟⲥ ⲭⲉⲣⲉ ⲛⲏⲉ̅ⲑ̅ⲩ̅ ⲧⲏⲣⲟⲩ ⲉ̀ⲧⲁϥⲣⲁⲛⲁϥ ⲙ̀Ⲡ⳪.
Hail to the whole choir, of the cross-bearers, hail to all the saints, who have pleased the Lord.
+ Ϩⲓⲧⲉⲛ ⲛⲟⲩⲉ̀ⲩⲭⲏ Ⲡⲭ̅ⲥ̅ ⲡⲉⲛⲞⲩⲣⲟ ⲁ̀ⲣⲓ ⲟ̀ⲩⲛⲁⲓ ⲛⲉⲙⲁⲛ ϧⲉⲛ ⲧⲉⲕⲙⲉⲧⲟ̀ⲩⲣⲟ.
+ Through their prayers, O Christ our King, have mercy upon us, in Your kingdom.
Ⲡⲓϫⲓⲛⲙⲓⲥⲓ ⲙ̀ⲡⲁⲣⲑⲉⲛⲓⲕⲟⲛ ⲟⲩⲟϩ ⲛⲓⲛⲁⲕϩⲓ ⲙ̀ⲡ̀ⲛⲉⲩⲙⲁⲧⲓⲕⲟⲛ ⲟⲩϣ̀ⲫⲏⲣⲓ ⲙ̀ⲡⲁⲣⲁⲇⲟⲝⲟⲛ ⲕⲁⲧⲁ ⲛⲓⲥ̀ⲙⲏ ⲙ̀ⲡ̀ⲣⲟⲫⲏⲧⲓⲕⲟⲛ.
The virginal birth, and the spiritual emissions, are an amazing wonder, according to the prophets.
+ Ⲭⲉⲣⲉ Ⲃⲏⲑⲗⲉⲉⲙ ⲧ̀ⲡⲟⲗⲓⲥ ⲛ̀ⲛⲓⲡ̀ⲣⲟⲫⲏⲧⲏⲥ ⲑⲏⲉ̀ⲧⲁⲩⲙⲉⲥ Ⲡⲭ̅ⲥ̅ ⲛ̀ϧⲏⲧⲥ ⲡⲓⲙⲁϩⲥ̀ⲛⲁⲩ ⲛ̀Ⲁⲇⲁⲙ.
+ Hail to Bethlehem, the city of the prophets, where Christ was born, the second Adam.